Mongolian Songs & Opera

Mongolian Long Song 2

2008-12-04T15:58:00.001-08:00

Урилга

2008-12-04T15:41:00.000-08:00

Эрхэм хүндэт Монгол ахан дүүс та бүхнээ “Монгол Ардын Дуунаас Дуурь” хүртэлх дууны гайхамшигийг харуулсан Жүгдэрсүрэнгийн Болормаагийн тайлан тоглолтонд хүрэлцэн ирэхийг урьж байна.

Жүгдэрсүрэнгийн Болормаа нь АНУ-ын Жонс Хопкинсийн Их Сургуулийн Пийбодийгийн Хөгжмийн Академаас дуулаачийн чиглэлээр Монгол улсаас анхны магистр зэрэгийг хамгаалсан урлаг судлаач, багш, дуучин эмэгтэй юм. Тэрээр Арлингтон Хотын Соёлын Газраас урлагийн бүх төрлийн уран бүтээлчдийн дунд зохион байгуулсан уралдаанаас 2008 оны Бие Даасан Шилдэг Уран Бүтээлчийн Тэргүүн Байрын Шагналыг хүртсэн анхны Монгол дуучин билээ. Ж. Болормаагийн тоглолтонд Монгол ардын урлагийн гайхамшиг болсон хөөмий, морин хуур, ардын бүжиг болон Цамын бүжигээс оролцон тоглохооос гадна тэрээр Монгол ардын дуунуудaac дуулж улмаар АНУ-д анх удаа Монголын алдарт хөгжмийн зохиолч Б. Дамдинсүрэнгийн “Учиртай Гурван Толгой” дуурийн хэсгээс толилуулахаар бэлджээ.

Дахин давтагдашгүй энэхүү ховор агшныг Монголын Ирээдүй болсон хүүхэд, залуучууддаа монголынхоо язгуур урлагаас дуурь хүртэлх гайхамшигийг тайлбарлан танилцуулцгаая!

Монголчуудаа бие биендээ итгэл, сэтгэлийн дэм хайрлaцгаая!

Хаана:           Росслин Театрт (Rosslyn Spectrum)

Хэзээ:           12- сарын 12, 2008
Хэдийд:        оройн 7.00 цагт

Үнэ: Том хүн $20, Өсвөр насныхан (12-18 нас) -$10
Хүүхэд (12-оос доош)- үнэгүй

Хаяг:
1611 North Kent Street
Arlington, VA 22209

Ерөнхий найруулагч: Сангидоржийн Сансаргэрэлтэх, хувцас зохион бүтээгч: Нацагын Ганхуяг, Хөөмийч - Отгоны Лувсандагва, Морин Хуурч-Гантулгын Уртнасан, Бүжигчид- Батбаатарын Дэлгэрмаа, Банзрагчийн Цэнгэлсайхан, Дуучид, Жүжигчид: Батчулууны Болдбаатар, Доржпүрэвийн Алтанбагана, Дугаржавын Цогт-Эрдэнэ

Mongolian Songs &Opera

2008-12-04T15:39:00.000-08:00

Mongolian Songs &Opera

An Evening with Bolormaa Jugdersuren and Mongolian performers
You are invited to spend an amazing a unique cross-cultural evening of Western Classical and Mongolian Traditional Music

Ms. Bolormaa Jugdersuren, a soprano, earned her Bachelor of Arts and Masters of Music degrees from The Mongolian University of Art and Culture. She was also the first person from Mongolia to graduate in opera from the Peabody Music Institute of Johns Hopkins University.

Come hear the delightful voice of Bolormaa Jugdersuren, and enjoy a wonderful evening of Mongolian Traditional songs, music
and Masked Dance Ensemble.
A Reception will follow the concert.

When: Friday, December 12, at 7:00 pm
Where: Rosslyn Spectrum
(1611 North Kent Street, Arlington, Virginia 22209)

Ticket Price: Adult ($20), Youth ages 12-18 ($10), Children under 10 (Free)
Ticket includes free CD of Bolormaa Jugdersuren’s singing

Accompanist: Margaret Stanton (Piano), Producer: Sansar Sangidorj, Gankhuyag Natsag
(maskmaker/costumer), Luvsandagva Otgon – Throat Singer; Urtnasan Gantulga – ‘Horse head’ fiddle; – Dancers: Delgermaa Batbaatar, Tsengelsaikhan Banzragch and
-Singers: Tsogt-Erdene Dugarjav, Boldbaatar Batchuluun, and Altanbagana Dorjpurev

"Монгол Ардын Дуунаас Дуурь" хүртэл Монголын хөгжмийн урлаг, дэвшилтийг харуулсан тоглолт болно.

2008-12-04T15:30:00.000-08:00

Нийтэлсэн Ариунтуяа Аюурзана
2008/11/30 - 23:54

Энэ удаад АНУ-ын Жонс Хопкинсийн Их Сургуулийн Пийбодийгийн Хөгжмийн Академаас урлагийн чиглэлээр анхны магистрын зэрэг хамгаалсан урлаг судлаач, дуучин, багш Жүгдэрсүрэнгийн Болормаатай бид ярилцсан юм.

-Бидний урилгыг хүлээн авч ярилцлага өгч байгаа танд баярлaлаа. Таныг Арлингтон хотын Соёлын Газраас шагнал хүртсэн анхны Монгол уран бүтээлч гэж сонссон танд баяр хүргээд энэ шагналынхаа талаар манай уншигчидтай хуваалцна уу?
-Баярлалаа. Энэ жил миний хувьд амжилт арвинтай он жилүүдийн нэг байлаа. Арлингтон хотын Соёлын Газраас урлагын бүх төрлийн уран бүтээлчдийн дунд зарлан явуулдаг Шилдэг Уран Бүтээлчийн Тэргүүн байрын шагналыг хүртлээ.
-Уралдаанд оролцох санаа хэдийд яаж төрөв, уралдааны шалгуурын талаар?
-Тус уралдааныг 2008 оны 1 сард зарлан явуулж 3 шаттайгаар шалгаруулж эцсийн хариуг 8 сард сонсгосон. Тус уралдаанд оролцох саналыг хамтран ажилладаг хүмүүс маань санал болгосон. Миний хувьд АНУ-ын хүн ам ихээр суурьшсан муж, хотуудаар "Лажели Людвиг" хамтлагын уран бүтээлчидтэйгээ хамтарч жар гаруй тоглолтыг хийжээ. Мөн Арлингтон Хотын Ерөнхий Боловсролын Дунд Сургуулийн Дуу Хөгжмийн Тэнхмийн багш нарын тайлан тоглолтонд гурван жил дараалан оролцох урилгыг авч, нилээд хэдэн тоглолтонд Арлингтон хотын нутаг дэвсгэр дээр хийсэн. Мөн ноднин жил хайрт аав Жүгдэрсүрэнгийнхээ гэгээн дурсгалд зориулсан "Аавдаа Өргөх Дуун Хадаг" нэртэй бие даасан уран бүтээлийн тайлан тоглолтоо Монголчууддаа толилуулсан. Өөртөө итгэлтэй байсан ч санаа бас зовж л байлаа. Яагаад гэвэл энэ уралдаанд хоёр, гуравдугаар байр гэж байхгүй байсан. Ингээд 8-р сарын 5-ны өдөр албан ёсоор надад тэргүүн байрын шагналыг гардуулахад их баярласан.

-Aмeрик орон өрсөлдөөн ихтэй, олон үндэстэн цагаачдаас бүрдсэн орон. Танд энэ шагналыг авсанд дахин баяр хүргэe! Яг тэр үед та юу бодож байсан бэ?
-Намайг хүн болгож төрүүлж, эрдэм боловсролоос авaхуулаад байнга ар талд минь дэмжлэг туслалцаа үзүүлж байдаг аав, ээж , ах, эгч, дүү нартаа, өөдсөн хэдэн хүүхдүүддээ их баярлаж, бурханы оронд очсон ааваа эргэн дурссан.

-Ta шинэ өвөрмөц тоглолт хийхээр бэлдэж байгаа, энэ тоглолтын санаа яаж төрөв?
-Тоглолт мaaнь "Монгол Ардын Дуунаас Дуурь" хүртэл Монголын хөгжмийн урлаг, дэвшилтийг харуулсан тоглолт болно. Ноднин ээж маань миний тоглолтонд ирж амжаагүй. Бичлэгийг сүүлд үзчихээд: "Миний охин Монгол ардын дуугаа дуулахад болдоггүй юмуу аав нь ардын дууг их сайхан дуулдаг байлаа" гэж санаа өгсөн. Түүнчлэн миний санаанд байнга явдаг зүйлийн нэг бол Монголын үндэсний дуурийг эх нутгаасаа хол өсч, амьдарч буй залуучууддаа хүргэх бодол байдаг юмаа. Тэгээд Вашингтон Ди.Си орчимд амьдарч, уран бүтээлээ толилуулж байгаа мэргэжлийн уран бүтээлчидээ оролцуулсан нэг сайхан тоглолт хийе гэж төлөвлөөд, уран бүтээлчиддээ санал тавихад тэд найрсагаар дэмжиж миний тоглолтонд оролцохоор бэлтгэж байна.

-Сонгодог урлагын хүн ардын дуу дуулахад аль зэрэг бэрхшээлтэй вэ?
-Монгол ардын дуу олон янз, нугалаа, хэв донжийг олж дуулна гэдэг тийм ч амар биш юм байна. Монголд байгаа ангийн минь андууд Дуурийн Театрийн гоцлол дуучин Рэгзэнгийн Доржхорлоо, МУГ жүжигчин Хайчинхүүгийн Үнэнхүү нар маань Монголоос ардын дууны CD, нот илгээж, дууны үг олж өгч их тус болсоныг дурдахгүй байхын аргагүй юмаа.

-Таны шинэ тоглолтонд олон уран бүтээлчид оролцож байгаа гэж сонссон?
- Тоглолтын маань ерөнхий найруулагчаар манай Монголын нэрт хөгжмийн зохиолч Сангидорж багшийн маань хүү Сансаргэрлтэх ажиллаж байгаа. Манай Сансар өөрийн өвөрмөц ертөнцтэй, авьяaслаг хөгжмийн зохиолч. Tүүний зохиосон бүтээлүүд нь Монголд төдийгүй дэлхийд гайхагдсан байдгийг дурдахад таатай байна. Түүнчлэн манай хөөмийч О. Лувсандагва, морин хуурч Г. Уртнасан, бүжигчин Б. Дэлгэрмаа, Б. Цэнгэлсайхан нар маань уран бүтээлээлээсээ толилуулахын зэрэгцээ манай Цамын Н. Ганхуяг ахын бүтээлүүдээс оролцох болно.

-Таны тоглолтонд манай анхны дуурь болох "Учиртай Гурван Толгой" дууриас тоглогдоно гэсэн ?
- Тиймээ. Тоглолтын маань сүүлчийн хэсэгт АНУ-д анх удаа Монголын алдарт хөгжмийн зохиолч Б. Дамдинсүрэнгийн " Учиртай Гурван Толгой" дуурийн хэсгээс тоглогдонo. 1999 онд би энэ дуурийн шилдэг дүрийн улсын III уралдаанаас Хоролмаагийн дүрээр тэргүүн байранд шалгараад удалгүй Их Британи улсын Моунтвиюгийн Театр Урлагын Их Сургуульд мэргэжил дээшлүүлэхээр явсан. Тэр үед бидний талаар гадныхан их дутуу ойлголттой байсан. Ер нь хүн гадагшаа гараад ирэхээрээ л нэлээн "Эх Оронч" үзэлтэй болдог шиг байна. Англид байхаасаа л энэ дууриас дуулаад ч болсон гадныханд сонcгочих юмсан гэж бодож, мөрөөдөж байв. Юманд цаг хугацаа гэж бас байдаг шиг байна. Энэ мөрөөдөл маань арваад жилийн дараа биелэлээ олж байгаад туйлаас баяртай байнаa. Энэ тоглолтоороо Монголчууд ардын сайхан урлагаасаа авахуулаад сонгодог урлагын гайхамшигийг мэдэрч, мэргэшсэн хүмүүс шүү гэдгийг Америкийн ард түмэнд таниулж байгаагаараа онцлог юмдаа.

-Дуурийн гол дүрүүдэд хэн хэн дуулах бол?
-Анхны шавь нарын минь нэг жүжигчин Б. Болдбаатар маань Балганд дуулж байгаа. Худалдаачинд жүжигчин Д. Алтанбагана, Нансалмаад Б. Саран дуучин маань дуулах ёстой байсан боловч Монгол явах зайлшгүй шаардлага гарч, хүлцэл өчин дуулж чадахгүйгээ мэдэгдсэн. Тиймээс би Нансалмаа, Хоролмаад дуулахаар бэлдэж байна. Дуучин С. Амарбүрэн Монголруу яваад оны дараа ирэх болсон учраас Д. Цогт-Эрдэнэ Юндэнд дуулахаар болсон.

-2 дүрд тоглоно гэдэг тийм ч амар биш байх даа?
-Тиймээ их ярвигтай. Гэхдээ нэг жүжигчин 2 дүрд дуулдаг тохиолдол дуурьт байдаг. Миний хувьд энэ бас анхных нь биш. 2004 оны 6-н сард Индиана мужийн Винона Нуур гэдэг газар болсон Олон Улсын Хөгжмийн Фэстивалд Францын алдарт хөгжмийн зохиолч Карпентегийн "Люис" дуурийн ажилчин эмэгтэй болон гол дүрийн ээжийн дүрүүдэд дуулж байлаа. Тэгэхээр болох байхаа гэж итгэж байна.

-Сайхан санаануудыг агуулсан тоглолт болох нээ танд уран бүтээлийн өндөр амжилт хүсье!
-Баярлалаа. Олон хүний хүч хөдөлмөр шингэсэн учраас дахин давтагдашгүй сайхан тоглолт болно гэдэгт эргэлзэхгүй байна.
Монголынхоо урлаг соёлыг гадныханд таниулан, сурталчлах гэж хичээнгүйлэн зүтгэж байгаа дуучин Ж. Болормаа эгчдээ уран бүтээлийн өндөр амжилтыг эрхэм уншигч та бүхнийхээ өмнөөс хүсье!.
Цог золбоот монголчууд та нарыгаа Жүгдэрсүрэнгийн Болормаагийн тайлан тоглолтонд хүрэлцэн ирж сэтгэл, итгэлийн дэм хайрлана гэдэгт гүнээ итгэж байна.

Тоглолт
Хаана: Росслин Театрт (Rosslyn Spectrum) Хэзээ: 12- сарын 12, 2008
Хэдийд: оройн 7.00 цагт
Үнэ: Том хүн $20, Өсвөр насныхан (12-18 нас) -$10 Хүүхэд (12-оос доош)- үнэгүй
Хаяг: 1611 North Kent Street Arlington, VA 22209
Ярилцлага авсан А.Ариунтуяа

Дуучин Болормаа 12 сарын 12-нд тоглолтоо хийнэ

2008-12-04T13:25:00.000-08:00

Энэ сарын 12-ны 7 цагт Росслин Спектрумд болох дуучин Болормаагийн тоглолтод та бүхнийг урьж байна. Концертийн оргил хэсэг нь "Учиртай Гурван Толгой" дуурийн хэсэг байх бололтой. Доор та бүхэнд Болормаа дуучны намтрыг англи хэлээр сонордуулав.
BOLORMAA JUGDERSUREN (Soprano)

She is the first person from Mongolia who educated at The Peabody Institute of The Johns Hopkins University, where she earned her Masters degree of Music. Ms. Jugdersuren earned her Bachelor of Arts and Master of Music degrees from Mongolian University of Art and Culture with full scholarship.

She has been a singer at the Mongolian Opera House and appeared successfully in several operas.

After receiving her Master Degree, she was the first young artist who was invited to be a full -time Assistant Professor of Voice at the School of Music of the Mongolian University of Art and Culture and later on she was appointed as an Associate Professor.

Throughout her career, Ms. Jugdersuren has been the winner of many awards and competitions on the national level, both in Mongolia and in the United States. These include being the recipient of a full scholarship from Mountview Academy for Theatre of Arts in London, UK; full scholarship from the “Master Works Festival” in Indiana, USA, a nationally renowned scholarship, which “accepts only the most highly qualified and talented candidates” that gave her the opportunity to perform the role of the Forewoman in the opera “Louise” by Marc-Antoine Charpentier, the partial role of Lisa from “Pique Dame” by Tchaikovsky.; a Distinguished Alumni Award from Mongolian University of Art and Culture; Distinguished Young Female Singer Nomination from Mongolian Music Society, also prize winner of the main role named Horolmaa from the well-known Mongolian opera “Three Sorrowful Minds” by B. Damdinsuren, International Professional Singers’ Competition in the name of Prof. Purevdorj Tsevegjav and the Professional Singers’ Competition honor of famous Sharav Byambasuren who is a composer of Yo-Yo-Ma’s Silk Road Group.

Ms. Jugdersuren was invited by the Contemporary Record Society to participate in a CD compilation “including gifted artists and selected composers’ works from among the exceptional participants of the CRS Competition”, and she was also invited to perform at the Bel Cantanti Opera Company in Washington, D.C performance of Lucia di Lammermoor.

Ms. Jugdersuren’s performing career and achievements in her field of expertise have been widely recognized and documented.

The Music Studio of Ulaanbaatar Television (UBS TV) filmed two performances and interviews with Ms. Jugdersuren and the documentary was filmed at the “Five Tune” studio of the Mongolian National Broadcast in Ulaanbaatar, Mongolia.

Her “A Night at the Opera”, a television recording of her thirty minutes recital at the Music Studio of the Arlington County television station channel number 70 aired several times in the United States.

In the realm of print media, Ms. Jugdersuren’s first book published in name of “Aria and Romances” by Mongolian University of Art and Culture Press Board in 1998, and “scientific articles in both music theory and performing arts were published in the scientific collection “Mongolian Art and Culture Studies” by the Research Institute of Arts and Culture of the University in 1999”.

Many articles and interviews have been published about Ms. Jugdersuren’s career in Mongolian and United States’, especially, newspapers such as The Washington Post, City Paper, Potomac Almanac, Today, Ulaanbaatar Post, Ulaanbaatar Times, Truth, 21st Century, Orloo and Dayar Mongol online newsletters of Mongolia.

Bolormaa has been performed the role of the mother in “Hansel and Gretel” by Engelbert Humperdinck at the Peabody Institute of the Johns Hopkins University, and she has given numerous solo recitals at An Die Music, Baltimore Maryland, “Old Town Theater” Alexandria, Virginia, Shepherdstown and Martinsburg, West Virginia, Friedberg Concert Hall, Griswold Hall, Goodwin Hall, and Family Theater at the Peabody Institute of Music, Baltimore, Maryland, Strathmore Hall Arts Center, Bethesda, Maryland, Music Building-Concert Hall at Montgomery College, MD, “Music at Foundry” Concert, Foundry United Methodist Church, Washington, DC, “Merrie Christmas Mount Vernon” Concert, Mount Vernon Church, Baltimore, MD, Rosslyn Spectrum Theatre Arlington, VA, and number of concerts with Largely Ludwig Chamber Ensemble, Baltimore, MD. She made her classical arias with D’Italiana Opera Symphony Orchestra conducted by Antonilo Gotta named “My Aspiration” CD that published by OASIS Disc Manufactory New York, NY.

15 Minutes Studio of Ulaanbaatar Television (UBS TV) filmed forty minutes interview from Ms. Jugdersuren for “American Image” program which has broadcasted in Mongolia several times and established online television programs of www.onair.com and http://www.medeelel.com/.

Also, she is a grand winner of Independent Artist from Arlington Culture Affairs, 2008. She is a music teacher of Arlington Public Schools, a voice teacher at the International School of Music, and teaches Opera History and Voice at the Adult Education Center in Arlington County, VA. Ms. Jugdersuren is a solo singer of The Washington National Wagner Society and The Atlantic Coast Festival, New Jersey, NJ.

Жүгдэрсүрэнгийн Болормаа

2008-12-04T13:03:00.000-08:00

Жүгдэрсүрэнгийн Болормаа

Жүгдэрсүрэнгийн Болормаа нь Америкийн Нэгдсэн Улсын Жонс Хопкинсийн Их Сургуулийн Пийбодийгийн Хөгжмийн Академийг (The Peabody Institute of the Johns Hopkins University in Baltimore, Maryland, USA) Дуурийн Урлагийн чиглэлээр суралцаж эрдмийн зэрэг авсан анхны Монгол дуучин юм.
Тэрээр Соёл Урлагын Их Сургуульд дуулах ур зүйн багшаар ажиллаж байгаад 2000 онд Их Британи Улсын Моунтфею-гийн Театр Урлагын Их Сургуульд (Mountview Academy of Theatre Arts in London, UK) Мэргэжил Дээшлүүлэх Эрхийг сурлагын бүтэн тэтгэлэгтэйгээр хүлээн авч суралцаад, улмаар тус улсын Лондон Хотын Хэлний Ур Чадварийн Институтэт англи хэлнийхээ мэдлэг, чадвараа сайжруулахаар үргэжлүүлэн суралцжээ.
Энд байх хугацаандаа Моунтвею-гийн Театр Урлагын Их Сургууль дээр болон тус улсад суугаа Монгол Улсын Элчин Сайдын Яам, Оросын Холбооны Улсын Элчин Сайдын Яам, болон Болгар Улсын Элчин Сайдын Яамны Өргөөнүүдэд өөрийн уран бүтээлcээ амжилттай толилуулж байсан.
Тэрээр Монгол Улсын Соёл Урлагын Их Сургуульд (СУИС) Баклавар зэрэгээ хамгаалаад, Монгол Улсын Дуурь Бүжгийн Эрдмийн Театрт дуучнаар ажиллаж, улмаар тус театрт тоглогдож байсан сонгодог болон үндэсний дууриудад амжилттай дуулжээ.
Ж. Болормаа нь Урлаг Судлалын Ухааны Магистр зэрэг хамгаалсан Mонгол улсын анхны дуучин юм.
Түүний "Дуулаачдын Сургалтын Агуулгыг Боловсронгуй Болгох нь" дипломын ажлыг СУИС-ийн Эрдэмийн Зөвлөлөөс өндрөөр үнэлж, түүнийг тус сургуульд Дуулах Ур Зүйн багшаар ажиллуулахаар урьсан байна.
Тус сургуульд багшилж байх хугацаандаа Хоолойн Эрүүл Ахуй, Дуулах Ур Зуй, Дуурийн Урлагын Түүх, Хөгжмийн Онол зэрэг хичээлүүдийн төлөвлөгөө, гарын авлагийг шинэчлэн боловсруулж сургалтанд хэрэгжүүлэн зааж байжээ.
1999 онд болсон Олон Улсын Хөгжмийн Симфозиум-д "Монголын Аялгуут Жүжиг нь Дуурийн Урлагын Үндэс Болох нь" илтгэлээрээ Ж. Болормаа нэгдүгээр байрт шалгарч "Монголын Соёл Урлаг" нэртэй түүхэн ботийн I ба II-т хэвлүүлэх эрхийг авч бүтээлээ хэвлүүлжээ.
Тэрээр СУИС-иас Тэргүүний Залуу Багш, Шилдэг Залуу Уран Бүтээлч шагналуудыг хүртсэний зэрэгцээгээр, мэргэжлийн олон уралдаануудаас шагнал хүртэж байсан уран бүтээлч юм.
Тухайлбал: Б. Дамдинсүрэнгийн "Учиртай Гурван Толгой" дуурийн шилдэг дүрийн улсын III уралдаанаас Хоролмаагийн дүрээр Тэргүүн байр, " Төрийн Соёрхолт Хөгжмийн зохиолч Б. Шаравын Романсуудыг Хэн Сайн Дуулахав" мэргэжлийн дуулаачдын улсын уралдааны шагналт, "Хөдөлмөрийн Баатар, Ардын Жүжигчин Ц. Пүрэвдоржийн нэрэмжит Сонгодог Ари Романсыг Хэн Сайн Дуулахав" олон улсын уралдаанаас 2 байрын шагналт, "Оюутаны Намар" улсын уралдааны Тэргүүн байрын шагналт, Оросын алдарт хөгжмийн зохиолч “П.И. Чайковскийн Ари Романсуудыг Хэн Сайн Дуулахав" улсын уралдааны 2-р байрын шагналт, Америкийн Нэгдсэн Улсын Индиана Мужид болсон Олон Улсын Хөгжмийн Наадамд оролцох эрхийг сургалтын бүтэн тэтгэлэгтэйгээр хүлээж авч П. И. Чайковскийн "Гилийн Хатан" дуурийн Лизагийн дүрд, М. Карпентиегийн “Люйc” дуурийн ажилчин эмэгтэй дүрүүдэд амжилттай сайн дуулсан байна.
Болормаа 2007 онд Пенселвани Мужийн Филадeлфиа хотын "Хөгжмийн Бичлэгийн Төв"-өөс зохион байгуулсан Бичлэг Хийлгэх Олон Улсын Уралдаанд амжилттай сайн оролцож улмаар бичлэг хийлгэх эрхийг авч "Миний Хүсэл Тэмүүлэл" нэртэй CD-гээ гаргасанaap А.Н.У-д CD хийлгэсэн анхны Монгол дуучин юм.
Тэрээр Пийбодийгийн Хөгжмийн Академид сурч байхдаа Пуччинигийн "Нөмрөг" дуурийн Жеоржетта-д, Германий алдарт хөгжмийн зохиолч Е. Хампердинкийн "Хансел ба Гретел" дуурийн ээжийн дүрүүдэд амжилттай сайн дуулж улмаар тус сургуульд "Монголын Урлаг Соёлын Түүхэн Хөгжилт" сэдвээр илтгэл тавьж, бэсрэг концертоо толилуулж улс эх ороноо сурталчилж яваа залуу уран бүтээлч юм.
Болормаа нь Вашингтон хотын Бел Канто дуурийн театрт Г. Доницеттийн "Лучиа ди Ламермyр" дуурьт амжилттай сайн дуулсан байна.
Тэрээр 2007 онд Итали улсын Амалфи-гийн Хөгжмийн Наадамд оролцох эрхийг авсан цөөхөн дуучдын нэг юм.
Ж. Болормаагийн бие даасан уран бүтээлээс нь болон түүнтэй хийсэн уран бүтээлийнх нь талаархи ярилцлагыг Монголын Үндэсний Телевиз болох Монгол Телелвиз, Улаанбаатар Телевизүүдийн алтан фондод бичигдсэн төдийгүй, А.Н.У-ын Арлингтоны радио, телевизүүдэд бичигджээ.
Мөн түүний талаар бичсэн болон түүнтэй хийсэн ярилцлагууд нь олон сонин хэвлэлүүдэд нийтлэгдэж байжээ.
Тухайлбал: "Өнөөдөр", " UB-Post-Улаанбаатар Пост", "Монгол Таймс", "Вашингтон Пост", "Сити Папер", Виржиниа, Мариланд мужуудын орон нутгийн сонингуудад хэвлэгдсэн байна.
Ж. Болормаа нь А.Н.У-ын олон муж, хотуудад өөрийн бие даасан уран бүтээлүүдээсээ толилуулж улс орныхоо нэрийг өндөрт өргөж яваа залуу дуучин юм.
Жишээлбэл: Тэрээр Мериланд мужийн Балтимор хотын "Анди Мюзик" театрт, Пийбодийгийн Хөгжмийн Их Сургуулийн ""Гризволдийн Театр"-т, "Фриедбүргийн Театрт", "Гүүдвиний Театрт", "Гэр Бүлийн Театр"-уудад, Бетесдагийн "Алдарт Стратморе-ийн Хөгжмийн Өргөөн"-д, Монтгомери-гийн Их Сургуулийн Хөгжмийн Театрт, Баруун Виржиниагийн Шепертстауны Театруудад, Мартинсбургийн Театруудад, Александриагийн "Хуучин Хотын Театр"-т, Вашингтон хотын Бел Канто Дуурийн Театрт гэх мэт олон театруудад тоглолтоо хийсэн байна.
Мөн Ларжели Людвиг хамтлагийн гоцлол дуучнаар ажиллаж бие даасан уран бүтээлээ толилуулахын зэрэгцээ тус хамтлагтай олон муж хотуудаар тоглолт хийсээр байна.
2007 оны 11-р сарыин 17 нд Розлин Спэктриум театрт “Аавдаа Өргөх Дуун Хадаг” нэртэй бие даасан концертоо Америкийн ард түмэнд амжилттай сайн толилуулж тоглолтоосоо олсон орлогоо Монгол улсын “Хөгжлийн Бэрхшээлтэй Иргэдийн Нийгэмэлг”-т хандивалж сэтгэлийн цагаан хадаг барьжээ.
Ж. Болормаа нь 2008 онд Мариланд мужийн Товсоны Их Сургууль дээр болсон “Бүтэн Сар” Азийн орнуудын үндэсний дуу хөгжмийн фестивалд, Охайо мужийн Миддлетоун хотод зохион байгуулагдсан “Монгол Улсыг Сурталчлах” фестивалиудад амжилттай сайн оролцож Монгол улсын соёл урлагыг америкийн ард иргэдэд таниулан сурталчилчилж байгаа уран бүтээлч юм.
Болормаа нь Виржиниа мужаас 2008 оны 5-р сард зарласан “Шилдэг Бие Даасан Мэргэжлийн Уран Бүтээлчдын Уралдаан”-д амжилттай сайн оролцон 1-р байрт шалгарч улмаар удахгүй өөрийнхөө бие даасан “Монгол Дуу Хуур ба Дуурь” нэртэй кoнцертоо Америкийн ард түмэнд толилуулахаар шаргуу бэлдэж байна.
Ж. Болормаа нь Мариланд Мужийн Олон Улсын Хөгжмийн Сургуульд Дуулах Ур Зүйн багшаар, Арлингтон хотын Насанд Хүрэгчдийн Боловсролын Төвд Дуулах Ур Зүйн болон Дуурийн Урлагын Түүхийн багшаар уригдан ажиллаж байна. 2007 оноос Вашингтон Ди.Си хотын Вагнерийн нэрэмжит сонгодог дуулаачдын чуулгын гоцлол дуучнаар уригдан ажиллаж байна.
Мөн тэрээр Арлингтон Хотын Ерөнхий Боловсролын Дунд Сургуульд багшлахын зэрэгцээ өөрийн цаг заваа гаргаж, үнэ төлбөргүйгээр, өгөөмөр сэтгэл гарган монгол сурагчдад болон тэдний эцэг эхчүүдэд мэдээлэл дамжуулах, орчуулга хийж өгч тусалдаг.
Тухайлбал: Арлингтон хотод суралцаж байгаа Монгол сурагчдад болон тэдгээрийн эцэг, эхчүүдэд америкийн сургалтын онцлогын талаар мэдээлэл өгч, семинар зохион байгуулж сонирхсон асуултанд нь хариулт өгч, Вилямсбүргийн Дунд Сургуульд сурч буй монгол сурагчиддаа зориулж "Шинэ Жилийн Наадам”-ыг монгол сурагчдын аав ээж нартай хамтран зохион байгуулжээ.
Эрүүл Мэндийн Даатгалгүй нийт 60 гаруй монгол сурагчдыг Арлингтоны Педиатрик Центер-т (Арлингтоны Хүүхдийн Клиник) эмнэлгийн хяналтанд хамруулж, 20-иод сурагчдыг үнэ төлбөргүй болон хямд үнэтэй хүүхдийн шүдний эмнэлэгт бүртгүүлж, 5 сурагчдад тохиолдсон сэхээн амьдруулах тасагт яаралтай тусламжинд болон зайлшгүй шаардлагатай мэс заслын ажиллагаанд орчуулга хийн, эмнэлгийн төлбөрийг хөнглөлттэй буюу үнэ төлбөргүй болгож өгчээ.
10 гаруй сурагчдын болчимгүйгээр үйлдсэн гэмт хэргийг шүүх ажиллагаанд орчуулга хийж, ялыг хүчингүй болгох болон хөнгөлөлттэй ял шийтгэл оногдуулах шийдвэрт тус нэмэр болсон байна.
Ж. Болормаа нь Монгол улсаас А.Н.У- ын бага, дунд, ахлах сургуульд суралцахаар ирж буй сурагчдын мэдлэгийн түвшинг зөв зүйтэй тогтооход тус нэмэр болох зорилгоор 1-12 дугаар ангиудын математик, алгебрийн хичээлээр авдаг шалгалтын материалийг Монгол хэл дээр орчуулж мөн 5-7 дугаар ангид үздэг математикийн хичээлийн чухал нэр томъёо, дүрэмүүдийг Монгол хэл дээр орчуулж Монгол сурагчдын мэдлэг боловсролд маш чухал хувь нэмэрээ оруулсан юм.
Мөн Арлингтоны Боловсролын Хэлтэсээс зохион байгуулдаг "Багш-Эцэг Эхчүүдийн Уулзалтуудад", "Олон Үндэстэн, Ястны Ёс Заншилтай Эцэг Эхчүүдэд Зориулсан Уулзалт Семинаруудад", ахлах сургуулийн сурагчдад зориулан зохион байгуулж буй "Их Дээд Сургуулиудад Хүүхдээ Хэрхэн Бэлдэх вэ? " сэдэвт цуврал Семинаруудад, "Монголын Соёл Боловсролын Хөгжилт" сэдэвт телевизийн шууд нэвтрүүлэгүүдэд тус, тус орчуулагчаар ажиллаж улс, эх орноо америкийн сурган хүмүүжүүлэгчдэд болон америкийн ард түмэнд Монголын Соёл, Боловсролын талаархи хуучин ойлголтыг өөрчилж, үнэн зөв мэдээлэлийг олгож буй чадварлаг дуучин, урлаг судлаач, багш, сурган хүмүүжүүлэгч эмэгтэй юм.